ABŞ-ın Ermənistanda yeni elçisi
ABŞ Senatı prezident Donald Trampın təqdimatına baxaraq Linn Treysini Ermənistanda fövqəladə və səlahiyyətli səfir postuna təsdiqləyib.
Novator.az bildirir ki, Linn Treysi Rusiya və keçmiş SSRİ-nin digər ölkələri üzrə mütəxəssisdir. Son təyinata qədər Linn Treysi Dövlət Departamentində Rusiya üzrə böyük müşavir postunu tutub.
Əvvəllər ABŞ-ın Rusiya, Türkmənistan, Qazaxıstandakı səfirlərinin müavini, dövlət katibinin Mərkəzi Asiya üzrə köməkçisinin birinci müavini vəzifələrində işləyib, Pakistanın Peşəvər şəhərindəki ABŞ konsulluğunda xidmət edib.
Azərbaycana isə İrli Litsenberger səfir göndərilir. İrli Litsenberger ABŞ-ın Serbiya, Qırğızıstan səfirliklərində, NATO missiyasında çalışıb, Dövlət Departamentində hərbi-siyasi məsələlərlə məşğul olub.
