“Nərgiz”in məhbus laureatları
Novator.az Müsavat Partiyasının 2015-ci ildə təsis etdiyi “Nərgiz” mükafatının kimlərə verildiyini xatırladır.
Mükafat 2015-ci ilin aprelində dünyadan vaxtsız köçmüş gənc müsavatçı Nərgiz Yaqublunın adını daşıyır.
2015-ci ildə mükafata məhbus fəal İlkin Rüstəmzadə layiq görülüb. İlkin Rüstəmzadə 2013-cü ilin mayından həbsdədir. 8 il müddətinə azadlıqdan məhrum edilib.
2016-cı ildə “Nərgiz” mükafatı məhbus fəallar Qiyas İbrahimov və Bayram Məmmədova verilib. Onlar 2016-cı il mayın 10-dan həbsdədirlər. Hər ikisi 10 il müddətinə azadlıqdan məhrum olunub, sonradan Qiyasın cəzası 3 ay artırılıb.
2017-ci ildə mükafat məhbus bloqçu Mehman Hüseynova qismət olub. Mehman Hüseynov 2017-ci il martın 3-dən həbsdədir, 2 il müddətinə azadlıqdan məhrum edilib. 2018-ci il dekabrın 26-da ona yeni cinayət işi açılıb və bloqçu 3 ildən 7 ilədək müddətə azadlıqdan məhrumetmə cəzası ala bilər.
2018-ci ilin “Nərgiz” mükafatına AXCP sədrinin müavini Gözəl Bayramlı layiq bilinib. Gözəl Bayramlı 2017-ci il mayın 25-dən həbsdədir. 3 il müddətinə azadlıqdan məhrum edilib, sonradan cəzası iki ay azaldılıb.
