Kim yatmış, kim oyaq?
İtaliya milli futbol çempionatı qış tətilinə çıxıb. Novator.az-ın məlumatına görə, turnir cədvəlinə 19 turda 53 xal yığan “Yuventus” başçılıq edir. “Napoli” 44, “İnter” 39 xal toplayıb. Üçlüyü 32 xalla “Latsio”, 31 xalla “Milan”, 30 xalla “Roma” təqib edir. İkinci dövrə yanvarın 19-da start götürəcək.
İngiltərə çempionatında 21-ci tura yanvarın 3-də yekun vurulur. Hazırda 20 oyuna 54 xal yığan “Liverpul” öndədir. “Tottenhem” 21 oyuna 48, “Mançester Siti” 20 oyuna 47 xal götürüb. 21 oyunu arxada qoyan “Çelsi”nin 44, “Arsenal”ın 41, “Mançester Yunayted”in 38 xalı var.
İspaniya çempionatında qış fasiləsi bu həftə bitir. Lider “Barselona” 17 oyuna 37, ən yaxın izləyici “Atletiko” 34 xal yığıb. “Sevilya” nın 32, bir oyun az keçirən “Real”ın 29 xalı var.
Tətildə olan Almaniya çempionatında Dortmund “Borussiya”sı 42 xalla öndədir. Onu 36 xalla “Bavariya” izləyir. “Borussiya” (Mönhenqladbah) 33, “Leypsiq” 31 xal götürüb.
Gələn həftədən davam edəcək Fransa çempionatında 17 oyuna 47 xal yığan PSJ öndədir. “Lill” 19 oyuna 34 xal götürüb, 18 oyun keçirən “Lion” isə 32 xal toplayıb.
