Valyutaların ili
Novator.az bəzi xarici valyutaların rəsmi məzənnələrinin 2018-ci ildə necə dəyişməsinə nəzər salıb.
ABŞ dolları 2018-ci ilə 1,7001 manat məzənnə ilə başlayıb. Həmin kurs 2018-ci il martın 7-dək qüvvədə olub. Martın 7-dən bəri dollar banklara 1,7 manata təklif edilib.
Avro yola 2,0431 manatla çıxıb. Fevralda ilk qiymət 2,1116, martda 2,0730, apreldə 2,0938, mayda 2,0522, iyunda 1,9852, iyulda 1,9798, avqustda 1,9853, sentyabrda 1,9729, oktyabrda 1,9711, noyabrda 1,9284, dekabrda 1,9294 manat olub. 2018-ci ilin son rəsmi məzənnəsi 1,9468 manatdır.
2018-ci il başlayanda Rusiya rublunun start kursu 0,0297 manat göstərilib. Fevralın əvvəlində məzənnə 0,0303, martın əvvəlində 0,0302 manat həddində rəsmiləşib. Aprel 0,0297, may 0,0270, iyun 0,0272, iyul 0,0270, avqust 0,0272, sentyabr 0,0251, oktyabr və noyabr 0,0259, dekabr 0,0255 manatla start götürüb. Son rəsmi kurs 0,0245 manat olub.
Türkiyə lirəsi yanvara 0,4495, fevrala 0,4528, marta 0,4472, aprelə 0,4293, maya 0,4186, iyuna 0,3754, iyula 0,3670, avqusta 0,3449, sentyabra 0,2590, oktyabra 0,2816, noyabra 0,3043, dekabra 0,3280 manatla girib. 2018-ci il 0,3212 manatla başa çatıb.
Dövlət Neft Fondu manatı qorumaq üçün Mərkəzi Bankın yanvar-noyabr aylarında keçirdiyi valyuta hərraclarında 5 milyard 783,3 milyon ABŞ dolları məbləğində vəsait satıb.
