Şimalda qar
Dekabrın 28-i gecədən Azərbaycanın şimal rayonlarına qar yağmağa başlayıb. Qubada yerləşən Şimal-Şərq Regional Hidrometeorologiya Mərkəzindən AZƏRTAC-a bildiriblər ki, dağlıq ərazilərdə temperatur mənfi 8 dərəcəyədək aşağı düşüb.
Quba, Qusar və Xızı rayonlarının dağlıq ərazilərində qarın qalınlığı 10 santimetrə çatır. Ən çox yağıntı Qubanın Qırız, Xınalıq kəndlərində və Xızının Altıağac qəsəbəsində qeydə alınıb.
Qusarın rayon mərkəzində qarın qalınlığının 7 santimetrə çatdığı bildirilir.
