Bankların nə qədər pulu var?
Maliyyə Bazarlarına Nəzarət Palatası bank sektorunun 11 aylıq göstəricilərini açıqlayıb. Novator.az bildirir ki, rəsmi hesabata görə, 2018-ci il dekabrın 1-nə Azərbaycanın 30 bankının cəmi aktivləri 29 milyard 827,2 milyon manat, cəmi öhdəlikləri 25 milyard 579,7 milyon manat olub.
11 ayda bank sektorunun kredit portfeli 7,4%, fiziki şəxslərin əmanətləri 5,9% artıb, banklar 306,3 milyon manat xalis mənfəət əldə edib.
Maliyyə Bazarlarına Nəzarət Palatası qiymətli kağızlar bazarı, investisiya fondları, sığorta, kredit təşkilatları (bank, bank olmayan kredit təşkilatları və poçt rabitəsinin operatoru), valyuta mübadiləsi fəaliyyəti və ödəniş sistemləri (maliyyə bazarları) sahəsində fəaliyyətin lisenziyalaşdırılmasını, tənzimlənməsini və həmin sahələrə nəzarət sisteminin şəffaflığını və çevikliyini təmin edir.
