Yaşıl meydan yenilikləri
İngiltərə və İtaliya milli futbol çempionatlarında növbəti turun oyunları keçirilib. Novator.az-ın məlumatına görə, İngiltərədə 19 turun ardından “Liverpul” 51 xalla liderliyini möhkəmləndirib, “Tottenhem” 45 xalla ikinci yerə yüksəlib.
Ön pillələrdə dayanan “Mançester Siti”nin 44, “Çelsi”nin 40, “Arsenal”ın 38 xalı var.
İtaliya çempionatına 18 tura 50 xal yığan “Yuventus” başçılıq edir. “Napoli” 41, “İnter” 36 xal toplayıb.
İspaniya, Almaniya və Fransa milli futbol çempionatları isə qış fasiləsindədir. Lider “Barselona” İspaniya çempionatında 17 oyuna 37, ən yaxın izləyici “Atletiko” 34 xal yığıb. “Sevilya” nın 32, bir oyun az keçirən “Real”ın 29 xalı var.
Almaniya çempionatında 17 tur arxada qalıb. Dortmund “Borussiya”sı 42 xalla öndədir. Onu 36 xalla “Bavariya” izləyir. “Borussiya” (Mönhenqladbah) 33, “Leypsiq” 31 xal götürüb.
Fransa çempionatında 17 oyuna 47 xal yığan PSJ öndədir. “Lill” 19 oyuna 34 xal əldə edib, 18 oyun keçirən “Lion” isə 32 xal toplayıb.
