7 kənddə kampaniya
Əmlak Məsələləri Dövlət Komitəsi dekabrın 27-si Sabirabad rayonunda “Kütləvi çıxarış” kampaniyası keçirib. Rəsmi məlumata görə, layihə Qalağayın, Nizami, Bulaqlı, Nərimankənd, Yastıqobu, Moranlı və Qaratəpə kəndlərini əhatə edib.
200-ə yaxın vətəndaş səyyar mobil ofislərə müraciət edib. 135 sakinə əmlaklarına dair hazır çıxarışlar təqdim olunub. Qeydiyyata alınmış daşınmaz əmlaklardan 26-sı fərdi yaşayış evi, 20-si həyətyanı, 89-u kənd təsərrüfatı təyinatlı torpaq sahələridir.
Daşınmaz əmlaklarını qeydiyyata almaq istəyən 40-a yaxın vətəndaş isə hüquq müəyyənedici sənədlərini komitə əməkdaşlarına təqdim edib. Sakinlərə hüquqi xidmətlər də göstərilib.
2018-ci ildə 20-dən artıq “Kütləvi çıxarış” kampaniyası keçirilib. Bunun 15-i rayonlarda baş tutub.
