Uçot dərəcəsi olduğu kimi qaldı
Mərkəzi Bankın İdarə Heyəti faiz dəhlizi parametrlərinin dəyişməz saxlanması haqda qərar qəbul edib. Uçot dərəcəsi 9,75%, faiz dəhlizinin yuxarı həddi 11,75%, aşağı həddi isə 7, 75% səviyyəsində qalıb. Qərar dekabrın 26-sı saat 14-də qüvvəyə minib.
Faiz dəhlizinin parametrləri haqqında növbəti qərar barədə 2019-cu il fevral ayının 1-də açıqlama veriləcək.
Novator.az bildirir ki, uçot dərəcəsi Mərkəzi Bankın kommersiya banklarına manatla verdiyi borclar üzrə faiz dərəcəsidir. 2018-ci il 15%-lik dərəcə ilə başlayıb. Fevralın 12-də Mərkəzi Bank uçot dərəcəsini 13%-ə, aprelin 10-da 11%-ə, iyunun 14-də 10%-ə, oktyabrın 30-da 9,75%-ə düşürüb.
