Nazirlik aparatına rəhbər təyin olunub
Əmək və Əhalinin Sosial Müdafiə Nazirliyi Aparatına yeni rəhbər təyin olunub: Hidayət Abdullayev.
1979-cu ildə anadan olan Hidayət Abdullayev Bakı Dövlət Universitetinin filologiya fakültəsinin bakalavr pilləsini və Odlar Yurdu Universiteti ilə Corciya Dövlət Universitetinin (ABŞ) birgə təşkil etdiyi biznesin idarə olunması fakültəsinin magistr pilləsini bitirib.
1997-ci ildən Dövlət Neft Şirkətinin Xarici Sərmayələr İdarəsində müxtəlif vəzifələrdə çalışıb, 2007-ci ildən “Azərbaycan Sığortaçılar Assosiasiyası” İctimai Birliyinin icraçı direktoru olub, 2008-ci ildən sığorta və bank sistemində, eləcə də bir neçə xarici ölkədə sığorta və tibbi risklərin idarə olunması sahələrində fəaliyyət göstərib.
2011-ci ildən İqtisadi İnkişaf Nazirliyində şöbə müdirinin müavini, 2013-cü ildən beynəlxalq layihə üzrə müdir müavini vəzifələrində işləyib.
2018-ci ilin avqust ayından əmək və əhalinin sosial müdafiəsi nazirinin müşaviri olub.
