Sabitlik və dəyişmələr
Mərkəzi Bank dekabrın 25-də bir çox valyutanın kursunu sabit saxlayıb. Novator.az-ın məlumatına görə, ABŞ dolları 1,7, Gürcüstan larisi 0,6383, Rusiya rublu 0,0248 manata satılır.
Bahalaşan avroya 1,9407, İngiltərə funt sterlinqinə 2,1587, Türkiyə lirəsinə 0,3202 manat qiymət qoyulub (Məzənnələr).
2015-ci ildə dolların rəsmi kursu 0,7844 manatdan 1,5594 manata qalxıb. 2016-cı ilə 1,7707 manatla nöqtə qoyulub. 2017-ci il 1,7001 manatla başa çatıb və həmin kurs 2018-ci il martın 7-dək qüvvədə olub. Martın 7-dən dollar banklara 1,7 manata təklif edilir.
Dövlət Neft Fondu manatı qorumaq üçün Mərkəzi Bankın yanvar-noyabr aylarında keçirdiyi valyuta hərraclarında 5 milyard 783,3 milyon ABŞ dolları məbləğində vəsait satıb.
