Mənzillərin təqdimatı
Əmək və Əhalinin Sosial Müdafiəsi Nazirliyi şəhid ailələrinin və Qarabağ müharibəsi əlillərinin yeni mənzillərlə təminatı işlərini davam etdirir. Dekabrın 24-ü Bakının Qaradağ rayonunda daha 200 mənzilin bu kateqoriyalardan olan vətəndaşlara təqdim olunmasına başlanıb.
Rəsmi məlumata görə, tədbirdə çıxış edən əmək və əhalinin sosial müdafiəsi naziri Sahil Babayev deyib ki, ölkənin ərazi bütövlüyünün, müstəqilliyinin və konstitusiya quruluşunun müdafiəsi uğrunda döyüşlərdə əlil olmuş şəxslərin, şəhid olmuş şəxslərin ailə üzvlərinin sosial müdafiəsi diqqət mərkəzindədir: “Cari ildə nəzərdə tutulduğundan əlavə olaraq minimum 300 mənzilin alınması üçün müvafiq vəsait ayrılıb və beləliklə, 2018-ci ildə Qarabağ müharibəsi əlilləri və şəhid ailələrinə 626 mənzilin verilməsi təmin edilib. 2019-cu ildə isə azı 800 şəhid ailəsinin və Qarabağ müharibəsi əlillinin mənzillə təminatı həyata keçiriləcək”.
Mənzillərin paylanması püşkatma yolu ilə həyata keçirilib.
