Büdcədə medianın payı
Novator.az 2019-cu ilin dövlət büdcəsində media sahəsinə ayrılan vəsaitin məbləğinə nəzər salıb.
Büdcə vəsaitinin 32 milyon 82,9 min manatı “Azərbaycan Televiziya və Radio Verilişləri” Qapalı Səhmdar Cəmiyyətinin, 17 milyon 48,4 min manatı İctimai Televiziya və Radio Yayımları Şirkətinin payına düşür.
Azərbaycan Dövlət İnformasiya Agentliyi (AZƏRTAC) 2019-cu ilin büdcəsindən 8 milyon 49 min manat alır.
Kütləvi İnformasiya Vasitələrinin İnkişafına Dövlət Dəstəyi Fondu üçün 4 milyon 62,9 min manat nəzərdə tutulub.
“Azərbaycan” nəşriyyatına (dövlət sifarişlərinin yerinə yetirilməsi üçün) 1 milyon 705,4 min manat verilir.
Milli Televiziya və Radio Şurası üçün büdcədə 928 min 120 manat vəsait nəzərdə tutulub.
“Mir” Dövlətlərarası Teleradio Şirkətinin Azərbaycan milli nümayəndəliyinə 534 min 622 manat, radio və televiziya redaksiyalarının saxlanması üçün 24 min 533 manat ayrılır.
