5-dən 2-si qaldı
İspaniya, Almaniya və Fransa milli futbol çempionatları qış fasiləsinə çıxıb. Novator.az-ın məlumatına görə, 2019-cu il yanvarın 3-dək dayanan İspaniya çempionatında lider “Barselona” 17 oyuna 37, ən yaxın izləyici “Atletiko” 34 xal yığıb. “Sevilya” nın 32, bir oyun az keçirən “Real”ın 29 xalı var.
Almaniya çempionatında 17 tur arxada qalıb. Dortmund “Borussiya”sı 42 xalla öndədir. Onu 36 xalla “Bavariya” izləyir. “Borussiya” (Mönhenqladbah) 33, “Leypsiq” 31 xal götürüb.
Fasilə yanvarın 18-də bitəcək.
Fransa çempionatında 17 oyuna 47 xal yığan PSJ öndədir. “Lill” 19 oyuna 34 xal əldə edib, 18 oyun keçirən “Lion” isə 32 xal toplayıb.
Tətil yanvarın 8-də bitəcək.
Digər iki aparıcı çempionat isə davam edir. İngiltərədə 18 turun ardından “Liverpul” 48 xalla liderdir. “Mançester Siti”nin 44, “Tottenhem”in 42, “Çelsi” və “Arsenal”ın 37 xalı var.
İtaliya çempionatında 17 tura 49 xal əldə edən “Yuventus” ilk pillədədir. “Napoli” 41, “İnter” 33 xal toplayıb.
