İkram Rəhimovun həbs müddəti uzadılıb
Realliq.info saytının baş redaktoru İkram Rəhimovun həbs müddəti 3 ay uzadılıb.
Qərarı dekabrın 20-si Səbail Rayon Məhkəməsinin hakimi Şahin Abdullayev istintaq orqanının təqdimatı əsasında çıxarıb.
Yaxınları qərardan apellyasiya şikayəti veriləcəyini bildiriblər.
İkram Rəhimovu oktyabrın 26-da Dövlət Təhlükəsizliyi Xidməti həbs edib.
O, Cinayət Məcəlləsinin 182.2.1 və 182.2.2-ci (qabaqcadan əlbir olan bir qrup şəxs tərəfindən təkrarən hədə-qorxu ilə tələb etmə) maddələri ilə ittiham olunur.
İkram Rəhimov ittihamları rədd edir.
