Biznes imkanı: Britaniya birincidir
“Forbes” jurnalı ölkələri biznes imkanı baxımından qiymətləndirən yeni reytinq açıqlayıb. Novator.az-ın məlumatına görə, qiymətləndirmə azad ticarət; valyuta azadlığı; mülkiyyət hüququ; yeniliklərin tətbiqi; texnologiyalar; sərmayəçilərin müdafiəsi; bürokratiya; korrupsiya; şəxsi azadlıq; vergi həddi kimi meyarlar üzrə aparılıb.
Reytinqin ilk pilləsində Böyük Britaniya göstərilir. İsveç 2-ci, Honkonq 3-cüdür.
Birinci onluqda qalan ölkələr belə sıralanır: Niderland, Yeni Zelandiya, Kanada, Danimarka, Sinqapur, Avstraliya, İsveçrə.
Reytinq cədvəlini Mərkəzi Afrika Respublikası qapayır.
Azərbaycan 161 ölkə arasında 70-ci yerdə dayanır.
Gürcüstan 44-cü, Rusiya 55-ci, Türkiyə 57-ci, Ermənistan 81-ci, İran 107-cidir.
Litva 27-ci, Estoniya 28-ci, Latviya 36-cı, Qazaxıstan 65-ci, Ukrayna 77-ci, Moldova 87-ci, Özbəkistan 105-ci, Qırğızıstan 108-ci, Tacikistan 124-cü pillədə yer alır.
