Azərbaycanlı idmançı 18 il iş aldı
Dekabrın 20-də Rusiyanın Xabarovsk Diyar Məhkəməsi pauerliftinq üzrə dünya çempionu Andrey Draçovun ölüm işi üzrə hökm çıxarıb.
Novator.az-ın məlumatına görə, Xabarovsk diyarının azərbaycanlı sakini, qarışıq döyüş növləri ilə məşğul olan Anar Əliyar oğlu Allahverənov Andrey Draçovun ölümündə təqsirli bilinərək 18 il müddətinə azadlıqdan məhrum edilib. Məhkum zərərçəkənin yaxınlarına 5 milyon rubla yaxın təzminat da ödəməlidir.
Anar Allahverənovun vəkilləri hökmdən şikayət verəcəklərini bildiriblər. Onlar 9 il azadlıqdan məhrumetmə cəzası ilə kifayətlənməyi təklif edirlər.
Cinayət 2017-ci il avqustun 20-də baş verib. Xabarovskun “Qalereya” kafesindəki mübahisə dava ilə nəticələnib, ağır kəllə-beyin travması alan 23 yaşlı Andrey Draçov xəstəxanada keçinib. Hadisə yerindən qaçan 1992-ci il təvəllüdlü Anar Allahverənov 1 ay sonra hüquq mühafizə orqanlarına təslim olub.
Səidə Hüseynova
