Azərbaycan nefti start qiymətindən nə qədər ucuzdur?
Dünya birjalarında neft ucuzlaşır. AZƏRTAC-ın 20 dekabr məlumatına görə, London birjasında brent markalı neftin barreli 56,32 dollara, Nyu-York birjasında layt markalı neftin barreli 47,12 dollara düşüb.
Azərbaycan nefti “AzəriLayt”ın barreli 59,20 dollara satılır. Bu, ilin əvvəli ilə müqayisədə 10,69 dollar aşağı qiymətdir.
“AzəriLayt” 2018-ci ilə 69,89 dollarla start verib. Fevralda ilk qiymət 70,33 dollar, martda 66,61 dollar, apreldə 69,86 dollar, mayda 75,95 dollar, iyunda 79,46 dollar, iyulda 79,23 dollar, avqustda 75,75 dollar, sentyabrda 79,73 dollar, oktyabrda 85,94 dollar, noyabrda 77,23 dollar, dekabrda 61,13 dollar olub.
Azərbaycanın 2018-ci il büdcəsində neftin qiyməti 55 dollardan götürülüb. 2019-cu il büdcəsində qiyməti 60 dollara qaldırmaq nəzərdə tutulur.
Beynəlxalq razılaşmaya əsasən, 2019-cu il yanvarın 1-dən Azərbaycan neft hasilatını 20 min barrel azaldaraq 763 min barrel həcmində müəyyən edəcək.
