Uşağı icazəsiz mitinqə aparan cəzalandırılacaq
Dekabrın 18-də Rusiya parlamentinin aşağı palatası – Dövlət Duması uşaqların icazəsiz aksiyalara cəlb olunmasına görə inzibati məsuliyyət qanunu qəbul edib.
Novator az xəbər verir ki, İnzibati Xətalar Məcəlləsində yeniliyə əsasən, uşaqları icazəsiz aksiyalara cəlb edənləri 30 min rubldan 50 min rubla qədər cərimə, 100 saatlıq icbari iş və ya 15 sutkalıq inzibati həbs gözləyir.
Uşaqları icazəsiz aksiyalara cəlb edən vəzifəli şəxslər 50 min rubldan 100 min rubla qədər, hüquqi şəxslər isə 250 min rubldan 500 min rubla qədər cərimə olunacaq.
1 Rusiya rublu 0,0255 manatdır.
Səidə Hüseynova
