20 min manata təklif olunan obyekt 60 minə satıldı
Əmlak Məsələləri Dövlət Komitəsinin 18 dekabr hərracında 3 qeyri-yaşayış sahəsi, 10 nəqliyyat vasitəsi və 1 yarımçıq tikili özəlləşdirilib.
Rəsmi məlumata görə, Bakının Nəsimi rayonunda, Mirəli Qaşqay küçəsində yerləşən qeyri-yaşayış sahəsinin hərracında qiymət 3 dəfə artıb. İlk qiyməti 20 min manat olan əmlak 60 min manata sahibini tapıb.
Hərrac iştirakçısı Qazax rayonunun Ağköynək kəndindəki su anbarının yarımçıq tikilişini torpaq sahəsi ilə birlikdə 16 min manata alıb.
Özəlləşdirilən nəqliyyat vasitələrinin son hərrac qiymətləri 2 min 625 manatla 5 min 200 manat arasında göstərilir.
