Yaxın ölkələrlə ticarət statistikası
Novator.az yenidən Azərbaycanın yaxın ölkələrlə rəsmi ticarət göstəricilərinə nəzər salıb.
Dövlət Gömrük Komitəsinin hesabatına görə, yanvar-noyabr aylarında Türkiyəyə 1 milyard 550,2 milyon dollarlıq məhsul ixrac olunub.
Rusiyaya ixracın həcmi 600 milyon dollar, Gürcüstana ixracın həcmi 449 milyon dollar göstərilir.
Ukraynaya 311,3 milyon dollarlıq, Qazaxıstana 42,9 milyon dollarlıq, İrana 24,5 milyon dollarlıq, Türkmənistana 21,8 milyon dollarlıq, Belarusa 20,3 milyon dollarlıq, Özbəkistana 8,2 milyon dollarlıq, Tacikistana 5,4 milyon dollarlıq, Qırğızıstana 3,2 milyon dollarlıq, Latviyaya 2,3 milyon dollarlıq, Litvaya 1,8 milyon dollarlıq, Estoniyaya 1,2 milyon dollarlıq, Moldovaya 443,3 min dollarlıq ixrac qeydə alınıb.
Yanvar-noyabr aylarında Azərbaycan Rusiyadan 1 milyard 666,4 milyon dollarlıq mal alıb.
Türkiyədən Azərbaycana 1 milyard 437,4 milyon dollarlıq, Ukraynadan 414,5 milyon dollarlıq, İrandan 370,5 milyon dollarlıq, Belarusdan 165,4 milyon dollarlıq, Qazaxıstandan 150,7 milyon dollarlıq məhsul göndərilib.
Digər ölkələrdən idxal göstəriciləri belədir:
Türkmənistan – 104,4 milyon dollar
Gürcüstan – 84,9 milyon dollar
Özbəkistan – 30,5 milyon dollar
Latviya – 18,6 milyon dollar
Litva – 18,3 milyon dollar
Moldova – 4,9 milyon dollar
Estoniya – 3,3 milyon dollar
Qırğızıstan – 1,9 milyon dollar
Tacikistan – 53,4 min dollar.
