Milli çempionatlarda durum
Avropanın aparıcı milli futbol çempionatları qış fasiləsinə doğru yön alıb. Novator.az-ın məlumatına görə, İngiltərə çempionatında 17 turun ardından “Liverpul” 45 xalla liderdir. “Mançester Siti”nin 44, “Tottenhem”in 39, “Çelsi”nin 37, “Arsenal”ın 34 xalı var.
16 turu geridə qalan İspaniya çempionatında lider “Barselona” 34, təqibçilər “Sevilya” və “Atletiko” 31, “Real” 29 xal yığıb.
Almaniya çempionatında 15 tur oynanıb. Dortmund “Borussiya”sı 39 xalla öndədir. Onu 30 xalla “Borussiya” (Mönhenqladbah) və “Bavariya” izləyir. “Leypsiq” 28, “Ayntraxt” (Frankfurt) 26 xal götürüb.
İtaliya çempionatında 16 oyuna 46 xal əldə edən “Yuventus” ilk pillədədir. “Napoli” 38, “İnter” 32 xal toplayıb. Bir oyun az keçirən “Milan”ın 26, “Latsio”nun 25 xalı var.
Fransa çempionatında 16 oyuna 44 xal yığan PSJ öndədir. “Lill” 18 oyuna 34 xal əldə edib, 17 oyun keçirən “Lion” isə 31 xal toplayıb.
