Əhali nəyə pul xərcləyir?
Rusiyanın “RİA Novosti” agentliyi müxtəlif statistik bilgilərə nəzər salaraq ölkələrdə əhalinin daha çox nəyə pul xərclədiyini araşdırıb.
Novator.az-ın məlumatına görə, araşdırma rusiyalıların büdcələrinin 31,2%-ni ərzağa xərclədiyini göstərib.
Qazaxıstan və Moldovada əhalinin büdcəsinin 40%-i, Ukraynada 50,9%-i qidaya gedir.
Ərzağa ən az vəsaiti Lüksemburq əhalisi sərf edir: 8,7%.
Böyük Britaniya əhalisi büdcəsinin 10%-ni, Niderland sakinləri 10,6%-ni, İrlandiya, Finlandiya, Avstriya, Norveç və İsveçrə əhalisi 12%-ni qidaya xərcləyir.
İsveçrəlilər büdcəsinin 10,8%-ni, yunanlar 10,5%-ni, ispanlar 10%-ni, rusiyalılar 3,3%-ni ictimai iaşə obyektlərinə və mehmanxanalara sərf edir.
Avropada ictimai iaşə obyektlərinə və mehmanxanalara ən az pul xərcləyənlər Moldova və Rumıniya əhalisidir: 1,8%.
Əhalisi istirahətə və mədəniyyətə daha çox vəsait sərf edən ölkələr İsveç (şəxsi büdcələrin 18,7%-i), Böyük Britaniya (13%) və Avstriyadır (11,5%).
Rusiyalılar büdcələrinin 6,9%-ni istirahətə və mədəniyyətə sərf edir.
Ukrayna və Qazaxıstan sakinləri istirahətə və mədəniyyətə pullarının 1,9%-ni, makedoniyalılar 1,8%-ni, moldovalılar isə 1,3-ni xərcləyir.
Səidə Hüseynova
