Bankların 29,7 milyard manatı var
Maliyyə Bazarlarına Nəzarət Palatası bank sektorunun göstəricilərini açıqlayıb. Novator.az bildirir ki, rəsmi hesabata görə, 2018-ci il noyabrın 1-nə Azərbaycanın 30 bankının cəmi aktivləri 29 milyard 690,2 milyon manat, cəmi öhdəlikləri 25 milyard 518,2 milyon manat olub. Oktyabr ayında bank sektorunun həm aktivləri, həm öhdəlikləri 1,7% artıb.
10 ayda bank sektorunun kredit portfeli üzrə 5%, fiziki şəxslərin əmanətləri üzrə 6,8% artım qeydə alındığı bildirilir.
Bank sektoru yanvar-oktyabr aylarında 238 milyon manat xalis mənfəət əldə edib.
Hesabatda 30 bankın filiallarının sayı 508, şöbələrinin sayı 140, bank sektorunun işçi heyəti 17211 nəfər göstərilir.
Maliyyə Bazarlarına Nəzarət Palatası qiymətli kağızlar bazarı, investisiya fondları, sığorta, kredit təşkilatları (bank, bank olmayan kredit təşkilatları və poçt rabitəsinin operatoru), valyuta mübadiləsi fəaliyyəti və ödəniş sistemləri (maliyyə bazarları) sahəsində fəaliyyətin lisenziyalaşdırılmasını, tənzimlənməsini və həmin sahələrə nəzarət sisteminin şəffaflığını və çevikliyini təmin edir.
