Orduda yeni komanda idarəetmə məntəqəsi
Dekabrın 14-də müdafiə naziri general-polkovnik Zakir Həsənov baş idarələrdən birinin yeni komanda idarəetmə məntəqəsinin açılışında iştirak edib. Nazirə bildirilib ki, komanda məntəqəsi tabelikdə olan bölmələrin operativ idarə olunması və qərarların qəbul edilməsi üçün yuxarı komandanlığa məruzələrin hazırlanmasını həyata keçirir.
İdarəetmə məntəqəsinin bütün xidməti və inzibati otaqları yeni texniki avadanlıqla təchiz edilib, mebel və kommunikasiya xətləri ilə təmin olunub.
Müdafiə naziri bölmələrin fasiləsiz, sabit, operativ və gizli idarə olunması məsələsinin daim diqqət mərkəzində saxlanmasını bir daha xatırladaraq məntəqənin imkanlarının genişləndirilməsi ilə əlaqədar göstərişlər verib.
Xəbəri Mod.gov.az yayıb.
