Mərhələni kimlər keçdi?
UEFA Avropa Liqasının E qrupunda Azərbaycanı təmsil edən “Qarabağ” komandası dekabrın 13-də sonuncu oyununu keçirib. Novator.az-ın məlumatına görə, Londonda “Arsenal”ın qonağı olan ağdamlılar 0:1 hesabı ilə uduzaraq qrup turnirini axırıncı pillədə başa vurublar.
Lissabonda Ukraynanın “Vorskla” klubunu qəbul edən “Sportinq” rəqibini 3 cavabsız topla yenib.
13 dekabr oyunlarından sonra “Seltik”, “Slaviya”, “Olimpiakos”, “Rapid” (Avstriya), “Vilyarreal”, “Malmö”, “Genk”, “Sevilya”, “Krasnodar”, “Renn”, BATE 1/16 finala adlayıblar.
21 klub (“Brügge”, “İnter” (İtaliya), “Napoli”, “Qalatasaray”, “Benfika”, “Şaxtyor” (Ukrayna), “Viktoriya”, “Valensiya”, “Bayer”, “Sürix”, “Zalsburq”, “Zenit”, “Fənərbaxça”, “Dinamo” (Xorvatiya), “Arsenal”, “Sportinq”, “Betis”, “Latsio”, “Ayntraxt” (Frankfurt), “Dinamo” (Ukrayna), “Çelsi”) növbəti raunda daha əvvəl bilet alıb.
