İki zabitə general rütbəsi verildi
Dekabrın 14-də prezident İlham Əliyev Fövqəladə Hallar Nazirliyinin iki zabitinə – Baba Salayev və Rüfət Fəradova general-mayor rütbəsinin verilməsi haqda sərəncam imzalayıb.
Baba Salayev Fövqəladə Hallar Nazirliyi Akademiyasının rəisi, Rüfət Fəradov isə nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin rəisidir.
Prezident İlham Əliyev həmin gün imzaladığı digər sərəncamlarla nazirliyin 52 əməkdaşını orden və medallarla, 2 nəfəri isə əməkdar mühəndis fəxri adı ilə təltif edib.
