ABŞ-ın Azərbaycan səfiri Senatdan keçdi
ABŞ Senatı prezident Donald Trampın təqdimatına baxaraq İrli Litsenbergeri Azərbaycanda səfir postuna təsdiqləyib. Səsvermə dekabrın 13-də keçirilib.
İrli Litsenberger ABŞ-ın Serbiya, Qırğızıstan səfirliklərində, NATO missiyasında çalışıb. Son təyinata qədər Dövlət Departamentində hərbi-siyasi məsələlərlə məşğul olub.
Novator.az bildirir ki, ABŞ-ın Azərbaycanda birinci səfiri Riçard Mayls olub. O, 1992-1993-cü illərdə bu postu tutub.
İkinci səfir Riçard Kozlariç 1994-1997-ci illərdə, üçüncü səfir Stenli Eskudero 1997-2000-ci illərdə çalışıb.
Sonrakı səfirlər bu şəxslərdir: Ross Uilson (2000-2003), Rino Harniş (2003-2006), Enn Dörsi (2006-2009), Metyu Brayza (2011-2012), Riçard Morninqstar (2012-2014), Robert Sekuta (2015-2018).
