Xətainin icra başçısı işdən çıxarıldı
Dekabrın 13-də prezident İlham Əliyev Razim Məmmədovun Xətai Rayon İcra Hakimiyyətinin başçısı vəzifəsindən azad edilməsi haqda sərəncam imzalayıb.
Novator.az bildirir ki, Razim İsa oğlu Məmmədov 21 iyun 1966-cı ildə Ermənistanda anadan olub.
1991-ci ildə Moskva Kooperasiya İnstitutunun əmtəəşünaslıq fakültəsini, 2004-cü ildə Bakı Dövlət Universitetinin hüquq fakültəsini bitirib.
“Real-İnşaat” firmasının həmtəsisçisi, “Real Tibb Mərkəzi” MMC-nin təsisçisi və direktoru olub.
26 sentyabr 2006-cı ildən Xətai Rayon İcra Hakimiyyətinin başçısı idi.
2001-ci ildən Yeni Azərbaycan Partiyasının üzvüdür.
