Gürcüstanda büdcə layihəsi qəbul olundu
Dekabrın 13-də Gürcüstan parlamenti 2019-cu ilin dövlət büdcəsi layihəsini qəbul edib. Novator.az-ın məlumatına görə, layihədə gəlirlər 12,9 milyard lari (4,8 milyard dollar), xərclər 13 milyard laridən (4,9 milyard dollar) çox göstərilir.
Gəlirlərin 9,7 milyard larisini vergilərin hesabına formalaşdırmaq planlaşdırılır.
2019-cu il büdcəsinin 30,5%-i sosial xərclərə ayrılacaq.
Layihəyə əsasən, iqtisadi fəaliyyətə 2 milyard lari, təhsil, elm, mədəniyyət və idmana 1,5 milyard xərclənəcək.
2019-cu ilə 4,5% iqtisadi artım, 3% illik inflyasiya proqnozlaşdırılır.
Səidə Hüseynova
