Pozuntu və cəza statistikası
Ekologiya və Təbii Sərvətlər Nazirliyi Ətraf Mühitin Mühafizəsi Departamentinin 16-30 noyabr arası apardığı yoxlamaların nəticələrini açıqlayıb. Novator.az-a verilən rəsmi məlumata əsasən, atmosfer havasının, su və torpaq ehtiyatlarının, yerin təkinin, fauna və floranın mühafizəsi, ətraf mühitə məişət və istehsalat tullantılarının yerləşdirilməsi sahəsində qanun pozuntularına görə 359 akt və protokol tərtib edilib, nöqsanların aradan qaldırılması üçün icrası məcburi olan 94 göstəriş verilib.
63 iş üzrə 77000 manat məbləğində cərimə kəsildiyi, ətraf mühitə dəymiş ziyana görə 37 iş üzrə 153959,43 manat məbləğində iddia qaldırıldığı, ətraf mühitə tullantıların atılmasına və axıdılmasına görə 359 iş üzrə 56361,57 manat məbləğində ödəmə tətbiq edildiyi bildirilir.
Tədbir görülməsi üçün hüquq mühafizə orqanlarına 42, icra qurumlarına 45, məhkəmələrə 20 iş göndərildiyi vurğulanır.
