Azərbaycan xərclərin effektivliyi reytinqində
Rusiyanın Ali İqtisadiyyat Məktəbi büdcə xərclərinin effektivliyi üzrə reytinq açıqlayıb. Novator.az-ın məlumatına görə, 2010-2015-ci illəri əhatə edən reytinq təhsil, səhiyyə və dövlət idarəçiliyi xərclərinin nəticələrinə əsaslanır.
Araşdırmaya Avropa İttifaqının 14 ölkəsi, inkişaf etməkdə olan 8 ölkə, həmçinin Rusiya, Qazaxıstan və Azərbaycan cəlb olunub.
Xərclərin effektivliyi reytinqinə Estoniya başçılıq edir. Onu Kipr, Sloveniya, Portuqaliya, Çexiya izləyir.
Azərbaycan 25 ölkə arasında 22-ci pillədə göstərilib.
Qazaxıstan 14-cü, Türkiyə 18-ci, Rusiya 19-cudur.
Reytinq cədvəlini Hindistan qapayır.
Hesabatda büdcə xərclərinin ümumi daxili məhsula nisbəti; uşaq ölümü; ömür uzunluğu; korrupsiya səviyyəsi; dövlət tənzimlənməsinin həddi; məhkəmə sisteminin durumu; mülkiyyət hüququnun müdafiəsi; təhsil sisteminin səviyyəsi kimi göstəricilər nəzərə alınıb.
