Yenilənmə və sabitlik
Dekabrın 6-da avro (1,9291 manat), İngiltərə funt sterlinqi (2,1635 manat), Rusiya rublu (0,0256 manat) və Türkiyə lirəsi (0,3166 manat) bahalaşıb.
Novator.az-ın məlumatına görə, Mərkəzi Bank kursları sabit qalan 1 ABŞ dollarını 1,7 manata, 1 BƏƏ dirhəmini 0,4628 manata, 1 Gürcüstan larisini 0,6361 manata, 100 İran rialını 0,0040 manata satır.
Dəyər itirən Çin yuanına isə 0,2472 manat qiymət qoyulub (Məzənnələr).
ABŞ dollarının kursunda sabitlik 9 aya yaxınlaşır. 1,7 manat qiyməti martın 7-dən dəyişmir.
2015-ci ildə dolların rəsmi kursu 0,7844 manatdan 1,5594 manata qalxıb. 2016-cı ilə 1,7707 manatla nöqtə qoyulub. 2017-ci il 1,7001 manatla başa çatıb və həmin kurs 2018-ci il martın 7-dək qüvvədə olub.
Mərkəzi Bankın hesabatına görə, dekabrın 1-nə valyuta ehtiyatının həcmi 5 milyard 590,9 milyon dollar olub. Yanvarın 1-nə valyuta ehtiyatının həcmi 5 milyard 334,6 milyon dollar idi.
Bu ilin yanvar-oktyabr aylarında Mərkəzi Bankın manatı qorumaq üçün keçirdiyi valyuta hərraclarında Dövlət Neft Fondu 5 milyard 129,2 milyon ABŞ dolları dəyərində vəsait satıb.
