Ön xətdə yoxlama
Mod.gov.az-ın 6 dekabr məlumatına görə, cəbhə zonasına gedən müdafiə naziri general-polkovnik Zakir Həsənov ön xətt bölmələrində döyüşə hazırlıq vəziyyətini yoxlayıb. Müşahidə məntəqəsindən qarşı tərəfdə yerləşən düşmən mövqelərini izləyən nazir müasir texniki vasitələrdən istifadə edilməklə xidmətin daha effektiv təşkili ilə bağlı tapşırıqlar verib.
Ön xətdə yaradılmış təlim-tədris sahələrindən birində döyüş tapşırıqlarını məşq etdirən şəxsi heyətlə görüşən Zakir Həsənov xidmətdə fərqlənən və döyüş hazırlığında yüksək nəticələr əldə etmiş hərbi qulluqçuları mükafatlandırıb, bölmələrin maddi-texniki təminatı, silah-sursat və hərbi texnika ilə təchizatı, şəxsi heyətin mənəvi-psixoloji hazırlığı, həmçinin sosial məişət şəraiti ilə tanış olub.
Sonra Ağdam rayonu ərazisindəki kəndlərdən birində yerli sakinlərlə görüşən nazir yaşayış məntəqələrinin müdafiəsinin təşkili və əhalinin təhlükəsizliyinin təmin edilməsi barədə söhbətlər aparıb.
