Hüseyn Məlik həbs olunub
Azərbaycan Demokratiya və Rifah Hərəkatı İdarə Heyətinin üzvü Hüseyn Məlik həbs olunub.
Hərəkat sədrinin müavini Ellada Məmmədli Meydan.tv-yə deyib ki, Hüseyn Məliki dekabrın 4-dən 5-nə keçən gecə mülki geyimli şəxslər evindən tutub aparıblar.
Ellada Məmmədlinin sözlərinə görə, Səbail Rayon Məhkəməsinin qərarı ilə Hüseyn Məlikə 25 sutka inzibati həbs cəzası verilib.
Hüseyn Məlikin nədə təqsirli bilindiyi haqda məlumat yayılmayıb.
Azərbaycan Demokratiya və Rifah Hərəkatı məsələ ilə bağlı bəyanat yayıb. Bəyanatda Hüseyn Məlikin həbsi onun həm ictimai həyatda, həm də sosial şəbəkələrdəki fəallığı ilə əlaqələndirilir.
Rəsmi dairələr bəyanatda irəli sürülən iddiaya hələ ki, reaksiya verməyib.
