Ermənistanda yeni seçki sorğusu
Dekabrın 6-da “Gallup İnternational Association” ictimai rəy təşkilatının Ermənistan nümayəndəliyi yeni seçki sorğusunun nəticələrini açıqlayıb. Novator.az-ın məlumatına görə, dekabrın 1-dən 4-dək keçirilmiş sorğuya 1100 nəfər qatılıb.
Nəticələrə əsasən, respondentlərin 69,4%-i dekabrın 9-na təyin olunmuş növbədənkənar parlament seçkisində baş nazir səlahiyyətlərinin icraçısı Nikol Paşinyanın “Mənim addımım” blokuna səs verəcəyini bildirib.
Sorğuya qatılanların 5,7%-i Çiçəklənən Ermənistan Partiyasına dəstək ifadə edib.
Qalan seçki iştirakçılarının göstəriciləri belədir:
İşıqlı Ermənistan Partiyası – 3,8%
Sasun Dəliləri Partiyası – 1,4%
Respublika Partiyası – 1,3%
Daşnaksütun Partiyası – 1,2%
“Bizlər” bloku – 0,8%
Qanunçuluq Ölkəsi Partiyası – 0,4%
Vətəndaş Qərarı Sosial Demokrat Partiyası – 0,3%
Milli Tərəqqi Partiyası – 0,1 %.
Xristian Demokrat Dirçəlişi Partiyası bir səs belə almayıb.
Proporsional üsulla seçilən parlamentə keçid həddi partiyalar üçün 5 faiz, bloklar üçün 7 faizdir.
