Gürcüstanın turizmdən gəliri açıqlanıb
Gürcüstanın Milli Turizm Administrasiyası 2018-ci ilin 11 ayı üzrə hesabat açıqlayıb. Novator.az-ın məlumatına görə, yanvar-noyabr aylarında ölkəyə 8,1 milyondan çox əcnəbinin səfər etdiyi, bunun 2017-ci ilin eyni dövrü ilə müqayisədə 11% çox olduğu bildirilir.
Hesabata əsasən, 11 ayda ölkəyə turist kimi gələnlərin sayı ötən ilin yanvar-noyabr ayları ilə müqayisədə 17,2% artaraq 4,4 milyon nəfərə çatıb.
Qeyd olunur ki, Gürcüstan yanvar-oktyabr ayında xarici turizmdən 2,8 milyard dollar gəlir əldə edib. Bu, ötən ilin eyni dövrünə nisbətdə 19,9% çoxdur.
2018-ci ilin yanvar-oktyabr aylarında Azərbaycana 194 ölkədən 2 milyon 420,4 min və ya ötən ilin eyni dövrü ilə müqayisədə 6,1 faiz çox əcnəbi gəlib.
Səidə Hüseynova
