Nazirlik müraciət hesabatı yayıb
Təhsil Nazirliyi telefon məlumat mərkəzinə (“Qaynar xətt”: 146) daxil olan zənglərlə və vətəndaşların qəbulu mərkəzində göstərilən xidmətlərlə bağlı statistika açıqlayıb. Hesabata görə, 2018-ci ilin noyabr ayında həmin mərkəzlərə vətəndaşlardan 9306 müraciət daxil olub, 6747 zəng qəbul edilib, 2559 nəfərə xidmət göstərilib.
Nazirliyin 1246 sənəd (476 ərizə, 770 məktub) qəbul etdiyi, daxil olan müraciətlərin daha çox şagirdlərin bir məktəbdən digərinə yerdəyişməsi, ali təhsil sənədlərinin (diplomların) tanınması və digər bu kimi məsələlərlə bağlı olduğu bildirilir.
