Təzə ayın siftələri
Mərkəzi Bank dekabrın 3-də avronun kursunu 1,9294 manata endirib.
Novator.az-ın məlumatına görə, Gürcüstan larisi (0,6317 manat), Rusiya rublu (0,0255 manat) və Türkiyə lirəsi də (0,3280 manat) ucuzlaşıb, ABŞ dollarının rəsmi qiyməti isə 1,7 manat həddində saxlanıb (Məzənnələr).
Dollar 2017-ci ili 1,7001 manatla başa vurub və həmin kurs bu il martın 7-dək qüvvədə olub. Həmin gündən dollar banklara 1,7 manata təklif edilir.
Avro 2018-ci ilə 2,0431, lari 0,6601, rubl 0,0297, lirə 0,4495 manatla start verib.
Bu ilin yanvar-oktyabr aylarında Mərkəzi Bankın manatı qorumaq üçün keçirdiyi valyuta hərraclarında Dövlət Neft Fondu 5 milyard 129,2 milyon ABŞ dolları dəyərində vəsait satıb.
