Rusiya: harada çox maaş verirlər?
Rusiyanın ən yüksək və ən aşağı əməkhaqqı verilən bölgələri bəlli olub. Novator.az-ın məlumatına görə, “RİA Novosti” agentliyinin sifarişi ilə tərtib olunan reytinq ayda 100 min rubldan (2550 manat) çox və 15 min rubldan (382 manat) az maaş alan işçilərin sayının müqayisəsinə əsaslanır.
Yüksək əməkhaqqı alan bölgələr siyahısının birinci pilləsində Yamalo-Nenets Muxtar Mahalı gəlir. Bu bölgədə çalışanların 27%-dən çoxunun maaşı 100 min rublu aşır.
İkinci yerdə 26%-lə Çukot Muxtar Mahalı qərarlaşıb.
İlk beşlikdə Nenetsk Muxtar Mahalı, Maqadan vilayəti və paytaxt Moskva da var.
Tədqiqat göstərib ki, Rusiyada hər beş işçidən birinin aylıq maaşı 15 min rubldan aşağıdır. Ölkənin 22 bölgəsində insanların 33%-nin aylıq gəlirinin 15 min rubldan az olduğu bildirilir.
Əhalisi 15 min rubldan aşağı maaş alan bölgələr siyahısının lideri Dağıstan Respublikasıdır – 46%. İkinci yerdə Qaraçay-Çərkəz Respublikası (44%) gəlir.
Hesabata əsasən, Rusiyanın 6 subyektində hər beş nəfərdən ikisinin aylıq qazancı 15 min rubla çatmır.
Səidə Hüseynova
