Milli çempionatlarda
Novator.az Avropanın aparıcı milli futbol çempionatlarının turnir cədvəllərinə nəzər salıb.
İngiltərə çempionatında 14 turda 38 xal yığan “Mançester Siti” birinci pillədədir. “Liverpul”un 36, “Çelsi”nin 31, “Arsenal” və “Tottenhem”in 30 xalı var.
14 turu geridə qoyan İspaniya çempionatında lider “Barselona” 28 xal toplayıb. “Sevilya” 27 xalla ikincidir. “Atletiko” 25, “Alaves” 24, “Real” 23 xal yığıb.
Almaniya çempionatında 13 tur arxada qalıb. Dortmund “Borussiya”sı 33 xalla öndədir. Onu 26 xal yığan “Borussiya” (Mönhenqladbah) izləyir. “Leypsiq” 25, “Bavariya” 24, “Ayntraxt” (Frankfurt) 23 xal əldə edib.
İtaliya çempionatında 14 oyunun ardından 40 xalla “Yuventus” ilk pillədədir. “İnter”in və “Napoli”nin 29 (neapollular 13 oyun keçirib), “Milan”ın 25, “Latsio”nun 24 xalı var.
15 turdan sonra Fransa çempionatında 43 xalla PSJ liderdir. “Monpelye” 29, “Lion” 28, “Lill” 27, “Marsel” və “Sent-Etyenn” 26 xal götürüb.
