Büdcə zərfi qəbul olundu
Noyabrın 30-da Milli Məclis 2019-cu ilin dövlət büdcəsi layihəsini qəbul edib. Novator.az bildirir ki, layihədə gəlirlər 23 milyard 168 min manat, xərclər 25 milyard 190 milyon manat proqnozlaşdırılır.
Gələn ilin büdcə zərfinə daxil olan digər sənədlər də parlamentdən keçib. Dövlət Sosial Müdafiə Fondunun 2019-cu il üzrə gəlirləri və xərcləri 3 milyard 928,1 milyon manat nəzərdə tutulur.
Layihəyə görə, 2019-cu il üçün yaşayış minimumu ölkə üzrə 180 manat, əmək qabiliyyətli əhali üçün 191 manat, pensiyaçılar üçün 149 manat, uşaqlar üçün 160 manat məbləğində müəyyən edilir.
Ünvanlı dövlət sosial yardımının təyin edilməsi məqsədilə 2019-cu il üçün ehtiyac meyarının həddi 143 manat məbləğində götürülür.
