Ermənistan: pensiya və müavinətlər artır
Ermənistanda əlillərə, ailə başçısının itirilməsinə görə və imkansız ailələrə verilən pensiya və müavinətlərin minimal həddi 25 min 500 drama qaldırılır.
Novator.az xəbər verir ki, hökumətin noyabrın 29-da keçirilən iclasında qəbul olunan bu qərar gələn ilin əvvəlindən qüvvəyə minir.
Hazırda Ermənistanda pensiya və müavinətlərin minimal həddi 16 min dramdır.
2018-ci ilin ortalarına olan məlumata əsasən, Ermənistanda yaşayış minimumu 62 min 330 dram təşkil edir.
Bu ölkədə imkansız ailələrə verilən müavinətin orta aylıq həddi 31,4 min dram, pensiyanın orta aylıq həddi isə 40 min dram həcmindədir.
1 dollar 485 dramdır.
Səidə Hüseynova
