Hərrac yenilikləri
Əmlak Məsələləri Dövlət Komitəsinin 27 noyabr hərracında kiçik dövlət müəssisə və obyektləri, qeyri-yaşayış sahələri və nəqliyyat vasitələri özəlləşdirilib.
Rəsmi məlumata görə, Şirvan şəhərinin Rəsulzadə küçəsindəki qeyri-yaşayış sahəsinin hərracında iki sifarişçinin iştirakı obyektin hərrac qiymətinin yüksəlməsi ilə nəticələnib. İlkin satış qiyməti 1350 manat olan obyekt üçün iştirakçı 8 min manat təklif edərək hərracı udub.
1985-ci ildə buraxılmış “Tofaş” markalı avtomobil 400 manata, 2007-ci ildə buraxılmış “Qaz” markalı avtomobil 20 min manata satılıb.
Dekabrın 4-də keçiriləcək hərraca ümumilikdə 122 dövlət əmlakı çıxarılıb. Bunların 76-sı kiçik dövlət müəssisə və obyekti, 21-i qeyri-yaşayış sahəsi, 17-si səhmdar cəmiyyəti, 8-i nəqliyyat vasitəsidir.
