Administrasiya tam tərkibdə
Hikmət Hacıyev xarici siyasət məsələləri şöbəsinin müdiri (eyni zamanda prezidentin xarici siyasət məsələləri üzrə köməkçisi) təyin olunandan sonra Prezident Administrasiyasının rəhbər heyəti tam formalaşıb. Novator.az bildirir ki, Ramiz Mehdiyevin rəhbərlik etdiyi Prezident Administrasiyasına Hikmət Hacıyevlə yanaşı bu şəxslər şöbə müdiridir:
Azər Əmiraslanov, prezidentin aqrar siyasət məsələləri üzrə köməkçisi-şöbə müdiri
Zeynal Nağdəliyev, prezidentin ərazi-təşkilat məsələləri üzrə köməkçisi-şöbə müdiri
Fuad Ələsgərov, prezidentin hüquq mühafizə orqanları ilə iş və hərbi məsələlər üzrə köməkçisi-şöbə müdiri
Əli Həsənov, prezidentin ictimai-siyasi məsələlər üzrə köməkçisi-şöbə müdiri
Əli Əsədov, prezidentin iqtisadi məsələlər üzrə köməkçisi-şöbə müdiri
Natiq Əmirov, prezidentin iqtisadi siyasət və sənaye məsələləri üzrə köməkçisi-şöbə müdiri
Tələt Məcidov, dövlət qulluğu və kadr məsələləri şöbəsinin müdiri
Eldar Nuriyev, dövlət nəzarəti şöbəsinin müdiri
Yusuf Məmmədəliyev, gənclər siyasəti və idman məsələləri şöbəsinin müdiri
Fərəh Əliyeva, humanitar siyasət məsələləri şöbəsinin müdiri
Rövşən Nəcəf, innovativ inkişaf və elektron hökumət məsələləri şöbəsinin müdiri
Şahin Əliyev, qanunvericilik və hüquq ekspertizası məsələləri şöbəsinin müdiri
Etibar Nəcəfov, millətlərarası münasibətlər, multikulturalizm və dini məsələlər şöbəsinin müdiri
Süleyman İsmayılov, sənədlərlə və vətəndaşların müraciətləri ilə iş şöbəsinin müdiri
Səadət Yusifova, strateji araşdırma və planlaşdırma şöbəsinin müdiri.
Dilarə Seyidzadə Prezident Katibliyinin rəisi-prezidentin köməkçisi; Cəmilə Abbasova prezidentin köməkçisi; Azər Qasımov prezidentin mətbuat katibi; Elçin Bağırov prezidentin protokol xidmətinin rəisi postlarını tutur.
Altay Həsənov birinci vitse-prezidentin Katibliyinin rəisidir.
İşçilərinin say həddi 427 ştat vahidi müəyyən edilən Prezident Administrasiyasının səlahiyyətləri bunlardır: Milli Məclisə təqdim olunan qanun layihələrini, prezidentin fərman, sərəncam, tapşırıq və müraciətlərinin, habelə digər sənədlərin layihələrini hazırlamaq; qanunların, prezidentin fərman, sərəncam və tapşırıqlarının yerinə yetirilməsinə nəzarət; prezidentin siyasi partiya, ictimai birlik, həmkarlar ittifaqları və yaradıcı birliklər, habelə xarici ölkələrin dövlət orqanları və vəzifəli şəxsləri, yerli və xarici siyasi, ictimai xadimlər, beynəlxalq təşkilatlarla qarşılıqlı əlaqələrini təmin etmək; ölkədə və dünyada baş verən sosial-iqtisadi, siyasi və hüquqi proseslər haqqında məlumatların, yerli özünüidarə orqanlarının, ictimai təşkilatların və vətəndaşların müraciətlərinin, təkliflərinin təhlili və prezidentə müvafiq məruzələr hazırlamaq.
Bakı şəhərinin İstiqlaliyyət küçəsində qərar tutan administrasiyanın yerləşdiyi bina Prezident Sarayı adlanır.
Prezidentin İşlər İdarəsi prezidentin və administrasiyanın fəaliyyətinin maddi-texniki və maliyyə təminatı ilə məşğul olur. Bu qurum Prezident Administrasiyasının tərkibinə daxil deyil.
Prezidentin işlər müdiri vəzifəsini Oqtay Şahbazov tutur.
