Qonur ayını ovlayanlar axtarılır
Şahdağ Milli Parkının İsmayıllı bölməsinin Basqal meşəbəyliyinin 4 saylı dolayında atəş səsləri eşidilib.
Noyabrın 23-də Ekologiya və Təbii Sərvətlər Nazirliyinin mətbuat xidmətindən Novator.az-a bildiriblər ki, dolayın mühafizə yegeri həmin istiqamətə yaxınlaşarkən 6 nəfərin qonur ayı ovladığını görüb. Mühafizə yegeri brakonyerləri saxlamağa çalışsa da, onlar yegerin tələblərinə məhəl qoymayaraq ərazidən uzaqlaşıblar. Lakin yeger naməlum şəxslərin video görüntülərini çəkə bilib.
Brakonyerlərin şəxsiyyətinin müəyyən edilərək məsuliyyətə cəlb olunmaları üçün İsmayıllı Rayon Polis İdarəsinə müraciət edilib. Maddi sübut kimi video görüntülər polis idarəsinə təqdim olunub.
Adı “Qırmızı kitab”a salınmış qonur ayını ovlayan şəxslərin kimliyini müəyyənləşdirmək məqsədilə tədqiqat aparılır.
