Qaldı bir imza
Noyabrın 23-də Rusiya parlamentinin yuxarı palatası – Federasiya Şurası 2019-2021-ci illərin dövlət büdcəsi layihəsini qəbul edib. Layihə aşağı palatadan – Dövlət Dumasından noyabrın 21-də keçmişdi.
Novator.az-ın məlumatına görə, 2019-cu ilin büdcə gəlirləri 19 trilyon 969 milyard rubl, xərcləri 18 trilyon 37 milyard rubl həcmində proqnozlaşdırılır.
2020-ci ildə gəlirlərin 20 trilyon 219 milyard rubl, xərclərin 18 trilyon 994 milyard rubl olacağı gözlənir.
2021-ci il üzrə gəlirlər 20 trilyon 978 milyard rubl, xərclər 20 trilyon 26 milyard rubl göstərilir.
Büdcə sənədi prezidentin imzası ilə təsdiqlənməlidir.
Səidə Hüseynova
