Ermənilər 12 saata 11,1 milyon dollar yığdı
Erməni fondu “Ayastan” noyabrın 22-si ABŞ-ın Los-Anceles şəhərində televiziya marafonu keçirib. Novator.az-ın məlumatına görə, 12 saat davam edən marafonda Ermənistana və Dağlıq Qarabağa kömək üçün 11 milyon 109 min 633 dollar toplanıb.
Fondun noyabrın 14-dən 18-dək Avropada keçirdiyi telefon marafonunda 1 milyon 242 min 460 avro pul yığılıb. Vəsaitin bir hissəsi Ermənistanda sosial layihələrə, qalan hissəsi Dağlıq Qarabağda və Suriyada yaşayan ermənilərin ehtiyaclarına yönəldiləcək.
“Ayastan”ın Ermənistana və Dağlıq Qarabağa kömək üçün bu həftə Braziliyada keçirdiyi televiziya marafonunda 30 min ABŞ dolları, Kanadadakı analoji tədbirində 1,2 milyon Kanada dolları toplanıb.
1992-ci ildə yaradılmış “Ayastan” fondu indiyədək Ermənistanda və Dağlıq Qarabağda müxtəlif layihələrin gerçəkləşdirilməsi üçün azı 340 milyon dollar vəsait yığıb.
“Ayastan” fondunun Himayəçilik Şurasına Ermənistan prezidenti başçılıq edir.
