QHT Şurasının əsasnaməsi necə yeniləndi?
Prezident İlham Əliyev Qeyri-Hökumət Təşkilatlarına Dövlət Dəstəyi Şurasının əsasnaməsinə dəyişikliklər fərmanı imzalayıb.
Novator.az-ın məlumatına görə, şuranın layihələrlə bağlı elanlar vermək, təqdim olunmuş layihələri öyrənmək və layihələri qiymətləndirmək, layihələri məqbul hesab edilən QHT nümayəndələri ilə şifahi müsahibə keçirmək vəzifələri ləğv olunub.
Müsabiqədə qalib gəlmiş layihələri müəyyən etmək, müsabiqənin qalibi ilə vəsaitlərin istifadə edilməsi şərtləri haqqında müqavilə bağlamaq, müsabiqənin nəticələri barədə məlumatları dərc etmək vəzifələri də əsasnamədən çıxarılıb.
Əsasnamədə başqa yeniliklər də var.
2008-ci ildə yaradılmış QHT-lərə Dövlət Dəstəyi Şurasına Azay Quliyev sədrlik edir. O, 1971-ci ildə anadan olub. Bakı Dövlət Universitetinin tarix fakültəsini, həmin təhsil ocağının doktoranturasını bitirib. Siyasi elmlər üzrə fəlsəfə doktorudur. 2005-ci ildən Milli Məclisin üzvüdür.
