İctimai iaşə və ödənişli xidmətlər hesabatı
2018-ci ilin yanvar-oktyabr aylarında ictimai iaşə dövriyyəsi 2017-ci ilin müvafiq dövrü ilə müqayisədə real ifadədə 6,2 faiz artaraq 1 milyard 169,1 milyon manat olub. Novator.az-ın məlumatına görə, Dövlət Statistika Komitəsi bildirir ki, özəl sektorda ictimai iaşə dövriyyəsinin 42,3 faizi hüquqi şəxs statuslu müəssisələrin, 57,7 faizi bu sahədə sahibkarlıq fəaliyyəti ilə məşğul olan fərdi sahibkarların payına düşüb.
Başqa bir hesabata əsasən, yanvar-oktyabr aylarında əhaliyə göstərilən ödənişli xidmətlərin dəyəri 2017-ci ilin eyni dövrü ilə müqayisədə real ifadədə 2,7 faiz artaraq 7 milyard 117 milyon manata çatıb. Hər bir ölkə sakini orta hesabla 725,3 manatlıq müxtəlif ödənişli xidmətlərdən istifadə edib.
